سياسة الخصوصية
آخر تحديث: 2026-10-05
بنجمع إيه
- بيانات الحساب: الاسم، رقم الموبايل، اسم النشاط والفروع.
- بيانات التشغيل اللي المشترك بيدخلها: المنتجات، الطلبات، العملاء، المخزون.
- بيانات تقنية للحماية: عنوان الـ IP ومعرّف الجهاز، عشان نمنع التلاعب في التجربة المجانية ونأمّن الدخول.
- إنت جيت منين: الإعلان أو الموقع أو الشريك اللي وصّلك (من اللينك نفسه). اللي بدأ التسجيل ومكمّلش، بياناته بتتمسح بعد 180 يوم.
بنستخدمها في إيه
تشغيل الخدمة، والدعم الفني، وإرسال أكواد التأكيد والتنبيهات اللي المشترك فعّلها، ومنع النصب. مش بنبيع بيانات أي حد ومش بنشاركها غير مع مزودي الخدمات اللازمين للتشغيل (الاستضافة، الرسائل، الدفع) أو لو القانون طلب.
الإعلانات والكوكيز
على صفحات الموقع (مش جوه السيستم) بنسأل الأول. لو وافقت، بنشغّل بيكسل Meta (فيسبوك وإنستجرام) عشان نعرف أنهي إعلان وصّلك، ولما تفتح حساب أو تدفع اشتراكك بنبلّغ Meta بده من السيرفر برقم موبايلك متشفّر (hash) من غير اسمك ولا أي بيانات عن محلك أو عملائك. لو رفضت مش بنشغّل البيكسل ومش بنبعت حاجة. تقدر تغيّر رأيك بمسح كوكيز الموقع من المتصفح.
بيانات عملاء المشترك
أرقام وأسماء عملاء المطعم أو المحل ملك المشترك. إحنا بنحفظها نيابة عنه بس، ومش بنتواصل معاهم إلا برسائل هو فعّلها (زي الإيصال على واتساب).
الحماية
كلمات السر والـ PIN متشفرة، والاتصال مشفّر (https)، وفيه نسخ احتياطي يومي وسجل لكل العمليات الحساسة.
حقوقك
تقدر تنزّل نسخة من كل بياناتك في أي وقت، أو تطلب مسح حسابك نهائي، من «الإعدادات ← بياناتك» (لصاحب الحساب). أو كلّمنا: واتساب +201035885000.
لو حصلت مشكلة أمنية
لو حصل اختراق أو تسريب ممكن يأثّر على بياناتك، بنبلّغك ونبلّغ مركز حماية البيانات الشخصية خلال 72 ساعة من ما نعرف، ونقولك حصل إيه وعملنا إيه وتعمل إيه.
التفاصيل الكاملة في اتفاقية معالجة البيانات.