شروط الاستخدام
آخر تحديث: 2026-10-05 · بين ZAIN'S والمشترك.
1. الخدمة
ZAIN'S نظام كاشير وإدارة بيشتغل أونلاين من المتصفح. المشترك بيستخدمه على أجهزته، والبيانات بتتحفظ على سيرفراتنا.
2. الفترة التجريبية
كل نشاط ليه فترة تجريبية مجانية واحدة لمدة 20 يوم، مرتبطة بإيميل أو رقم موبايل متأكَّد منه وبالجهاز اللي اتعملت منه. عمل أكتر من حساب عشان تاخد أكتر من تجربة بيدينا الحق نوقف الحسابات دي.
3. الاشتراك والدفع
- الاشتراك بيتدفع مقدّم للمدة اللي تختارها (6 شهور أو سنة أو سنتين)، شامل كل المميزات وبيتحسب لكل فرع، والأسعار ظاهرة في صفحة الاشتراك قبل الدفع.
- التفعيل بيتم بعد ما نتأكد إن المبلغ وصل. إثبات التحويل المزوّر بيوقف الحساب فورًا.
- المبالغ المدفوعة مش بترجع بعد تفعيل الفترة، إلا لو فيه عطل من ناحيتنا منع الاستخدام أكتر من 72 ساعة متواصلة.
4. انتهاء الاشتراك
بعد انتهاء الاشتراك النظام بيشتغل 7 أيام سماح، وبعدها بيبقى للعرض بس. البيانات بتفضل محفوظة 90 يوم بعد انتهاء الاشتراك، وبعدها ممكن تتمسح. تقدر تطلب نسخة من بياناتك في أي وقت خلال الفترة دي.
5. مسؤوليات المشترك
- صحة الأسعار والضرائب والبيانات اللي بيدخلها، والالتزام بالقوانين الضريبية الخاصة بنشاطه.
- الحفاظ على كلمات السر والـ PIN، وصلاحيات الموظفين اللي بيضيفهم.
- متابعة الطلبات الأوفلاين لحد ما تترفع، وعدم مسح بيانات المتصفح قبل رفعها.
6. حدود المسؤولية
بنعمل نسخ احتياطي يومي وبنبذل أقصى جهد عشان الخدمة تفضل شغالة، لكن مسؤوليتنا في أي حالة مش بتزيد عن قيمة آخر شهر اشتراك دفعه المشترك.
7. التواصل
واتساب +201035885000